über mich

Ech rede mondart, be i minere Freiziit eher de Jeanstyp, aber för eui nehmi min Azog före. Mini bodeschtändigi Art - mängisch chli holzig und burschikos aber au ifühlsam, mis offnige Herz, mini Läbenserfahrig, mis praktische Dänke, mis handwärchliche Gschek ond mini grossi Kreativität schtell ech eui gern zor Verfüehgig.

Ech han de gueti Joohrgang 1969, ech stohne dor min urschpröngliche Bruef als Schriineri met beidne Bei fescht ufem Bode ond dor min langjährige therapeutische Hintergrond ben ech au met de zartere und finere Siite vom Läbe vertrout.

I minere Freiziit fendsch mech diheime im Garte zwösche Blueme und Chrüütli. Am Wochenändi zäme met mim Partner gmüetlich met euisne  1959er Vespa's of de Stross - oder chlii schneller met euisne Töffe am neui Wäge entdecke.

Euich begägne, zuelose, id Tüüfi itauche ond de Chern ad Oberflächi brenge. Anerkännig und Wertschätzig schtod för mech im Zäntrom.

Am grosse Tag eui Gschecht schpannend, underhaltend und guet verzellt z'präsentiere ond eui Liebi z'verbinde.

E fende:

"s Läbe ond ehr send's wärt, i nere wördige Zeremonie  g'fiired z werde."